Lifestyle

ஒருவேளை கொரோனா வைரஸ் கிருமி நம்ம வீட்டைசுத்தி இருந்தா? பயமிருக்கா? எப்படி பாதுகாப்பா இருக்கணும்?

ஃப்ளு கிருமிகள் உங்கள் வீட்டை பாதிக்காமல் தடுக்க சில எளிய வழிமுறைகள் உள்ளன. ஃப்ளு காலங்கள் மிகவும் அபாயகரமானது என்பதை மறுப்பதற்கில்லை. ஆனால் அவற்றால் உண்டாகும் நோய் பாதிப்பை தடுக்கும் சக்தி உங்களிடம் உள்ளது. கீழே குறிப்பிட்டுள்ள பரிந்துரைகளை பின்பற்றுவதன் மூலம் கிருமிகள் பரவாமல் தடுக்கலாம்.

​நோய் அறிகுறி இருந்தால்…

samayam tamil

நோய்த் தொற்றுக்கான அறிகுறியோ அல்லது நோய்த்தொற்றோ இருந்தால், அந்த பாதிக்கப்பட்ட நபர் இருமுவதால் , தும்முவதால் அல்லது பேசுவதால் ஃப்ளு கிருமி பரவுகிறது. அதனால் பாதிக்கப்பட்ட நபரிடமிருந்து 6 அடி தள்ளி நிற்பது நல்லது. ஃப்ளு வைரஸ் இருக்கும் மேற்பரப்பை தொடுவதால் கூட கிருமிகள் பரவலாம். அதனால் தொற்று பாதிக்கப்பட்ட நபரை தனிமைப்படுத்தி ஒரு அறையில் அவருக்கு தனியாக ஒரு கழிவறை ஒதுக்கி விடலாம். இதனால் குடும்பத்தில் உள்ள மற்றவர்களுக்கு கிருமி வெளிப்பாடு குறையலாம். அதோடு கிருமி நீக்கம் செய்யப்பட வேண்டிய அறைகளை கட்டுப்படுத்தலாம் .

​மேற்பரப்பை கிருமி நீக்கம் செய்வது

samayam tamil

கிருமிகள் மேற்பரப்பில் 24 மணி நேரம் இருக்க முடியும் என்பதால் பாதிக்கப்பட்ட நபர் தொடும் இடங்களை கிருமி நீக்கம் செய்வது அவசியம். குறிப்பாக பாதிக்கப்பட்ட நபரின் படுக்கையறை மற்றும் கழிவறையில் சுத்தம் செய்வது அவசியம். டேபிள்டாப் , ரிமோட், அலமாரி, கம்ப்யூட்டர் கீபோர்ட்டு , கதவு கைப்பிடி , வாஷ் பேசின் , லைட் ஸ்விட்ச் , டப் , டாய்லட் , டாய்லட் கைப்பிடி போன்றவற்றை கிருமி நாசினி கொண்டு சுத்தம் செய்யவும்.

மேற்பரப்பை சுத்தம் செய்யும்போது அந்த இடத்தில் அடுத்த 4 நிமிடங்கள் ஈரம் தெரியும் அளவிற்கு சுத்தம் செய்யவும். பின்பு அந்த இடத்தை காயவிடவும்.

மேற்பரப்பை கிருமி நீக்கம் செய்ய மற்றொரு வழி, ஒரு பக்கெட் தண்ணீரில் அரை கப் ப்ளீச்சிங் பவுடர் சேர்த்து , அதனை கொண்டு மாப் செய்வது அல்லது துடைப்பதால் கிருமி நீக்கம் செய்யப்படுகிறது. அல்லது நீங்கள் வழக்கமாகப் பயன்படுத்தும் ஃப்ளோர் க்ளீனரையும் பயன்படுத்தலாம். தொடர்ந்து 5 நிமிடங்கள் அந்த நீர் மேற்பரப்பில் இருக்கும்படி சுத்தம் செய்யவும். பின்பு அந்த இடத்தை காயவைக்கவும்.

தெரியாமல் கூட கிருமிகள் பரவ வழி கொடுக்க வேண்டாம். பாதிக்கப்பட்டவர் இருக்கும் அறை மற்றும் கழிவறையை சுத்தம் செய்தவுடன் , ஒரு பக்கெட் தண்ணீரில் அரை கப் ப்ளீச் சேர்த்து அந்த நீரில் 15-20 நிமிடம் மாப்பை ஊறவைத்து கிருமிநீக்கம் செய்யவும். பாதிக்கப்பட்டவர்கள் உள்ள அறையை சுத்தம் செய்ய பயன்படுத்திய துணியை மற்ற அறையில் பயன்படுத்த வேண்டாம்.

​குழந்தைகள் பொருள்கள்

samayam tamil

பொதுவாக குழந்தைகளுக்கு என்ன செய்ய வேண்டும், என்ன செய்யக்கூடாது என்பதோடு இந்த நோயின் தீவிரம் குறித்தெல்லாம் எதுவும் தெரியாது. அதனால் தங்களுடைய பொருள்களையெல்லாம் கண்ட இடத்தில் போட்டு தனக்குத் தோன்றியபடி தான் விளையாடிக் கொண்டிருப்பார்கள். அதனால் அவர்களுடைய பொருள்களைச் சுத்தம் செய்கின்ற பொழுது, இன்னும் கொஞ்சம் கூடுதல் கவனத்துடன் செய்யுங்கள்.

குழந்தைகள் பயன்படுத்தும் விளையாட்டு பொருட்கள், பிளாஸ்டிக் பொருட்கள், சிப்பர் கப், டீத்தர், பாட்டில் நிப்பிள் மற்றும் பாத்திரங்கள் போன்றவற்றை 2 ஸ்பூன் ப்ளீச் சேர்க்கப்பட்ட ஒரு பக்கெட் நீரில் இரண்டு நிமிடம் ஊறவிட்டு பின்பு வெதுவெதுப்பான நீரில் கழுவி காய வைக்கவும்.

​கழிவறைக்கு தேவையான சில அவசர குறிப்புகள்

samayam tamil

டிஸ்போஸபிள் கப்புகளை பயன்படுத்துங்கள். கைத்துண்டு மற்றும் குளிக்கும் டவல் போன்றவற்றை பாதிக்கப்பட்ட நபருடன் பகிர்ந்து கொள்ள வேண்டாம். துணியால் தயாரிக்கப்பட்ட கைதுண்டு போன்றவற்றை பயன்படுத்துவதை விட பேப்பர் துண்டுகளை பயன்படுத்துவதால் கிருமிகள் பரவாமல் தடுக்க முடியும்.

பல் துலக்கும் ப்ரஷ் போன்றவற்றை மூடி வைக்க வேண்டாம். பாதிக்கப்பட்ட நபரின் ப்ரஷை தனியாக வைத்துக் கொள்ளுங்கள். குடும்பத்தின் மற்ற நபர்களின் ப்ரஷ்களுடன் இதனை சேர்க்க வேண்டாம்.

​படுக்கையறையில்…

samayam tamil

படுக்கையறையை சுத்தம் செய்யும் பழக்கத்தில் இந்த யோசனைகளையும் சேர்த்துக் கொள்ளுங்கள்.

பாதிக்கப்பட்டவர் இருக்கும் படுக்கையறையில் ஒரு குப்பை தொட்டி வைத்துக் கொள்ளுங்கள். அவர் பயன்படுத்தும் டிஷ்யூ மற்றும் இதர கழிவுகளை இதில் போடும்படி சொல்லுங்கள். அந்த தொட்டியில் ஒரு பிளாஸ்டிக் கவர் கொண்டு சுற்றி கொள்ளுங்கள். இதனால் கிருமிகள் நேரடியாக உங்கள் கைகளில் தொடர்பு கொள்ளாமல் தடுக்கலாம். தினமும் ஒருமுறை அந்த குப்பை தொட்டியை காலி செய்து விடுங்கள். ஒவ்வொரு முறையும் குப்பை தொட்டியில் புதிய பாலிஸ்டிக் கவர் சுற்றி வையுங்கள்.

சில நேரங்களில் நோயாளி அந்த குப்பை கூடையில் வாந்தி எடுக்க நேரலாம். அப்போது ¾ பக்கெட் தண்ணீரில் அரை கப் ப்ளீச் சேர்த்து அந்த நீரில் இந்த கூடையை கழுவி வைக்கவும் . இரண்டு நிமிடம் அந்த நீரில் ஊறவைத்து பின்பு வெதுவெதுப்பான நீரில் கூடையை கழுவி காயவைத்து பின்பு பயன்படுத்தவும்.

​நாற்காலி, ஜன்னல்

samayam tamil

ஒருவர் நோய்வாய்ப்படும் தூசு இன்னும் பாதிப்பை ஏற்படுத்தக்கூடும் . எனவே நாற்காலி, பெட் போன்ற பர்னீச்சர்களை நன்றாக சுத்தம் செய்யவும். குறிப்பாக படுக்கையின் மூலையில் மற்றும் அடியில் சுத்தமாக வைத்துக் கொள்ளவும்.

தினமும் அந்த அறையின் ஜன்னல்களைத் திறந்து வைத்து காற்று உட்புகுவதற்கு வழி செய்யவும். நாள் முழுவதும் ஜன்னல் திறந்து இருக்க வேண்டிய அவசியமில்லை, சிறிது நேரம் திறந்திருந்து பின்பு மூடிக் கொள்ளலாம்.

​துணி துவைக்கும் போது கவனத்தில் கொள்ள வேண்டியவை

samayam tamil

நோயாளியின் டவல், பெட்ஷீட் , துணிகள் போன்றவற்றில் கிருமிகள் இருக்கக்கூடும். அவரை பராமரிப்பவர் துணியில் கிருமிகள் இருக்கலாம். எனவே அவற்றை எடுத்துச் செல்லும்போது அணைத்தபடி எடுத்துச் செல்ல வேண்டாம். இதனால் கிருமிகள் உங்களுக்கு பரவ நேரலாம். மாறாக இந்த அழுக்கு துணிகளை எடுத்துச் செல்ல ஒரு சின்ன கூடை பயன்படுத்துங்கள். துணி துவைத்த பின்பு, இந்த கூடையையும் கழுவி காயவைத்துக் கொள்ளுங்கள்.

துணிகளை ப்ளீச் கொண்டு கிருமி நீக்கம் செய்யவும். வெள்ளை துணிகளுக்கு தனி ப்ளீச் மற்றும் கலர் துணிகளில் நிறம் மாறாமல் இருக்க தனி ப்ளீச் பயன்படுத்துங்கள். துணிகளுக்கான பராமரிப்பு தகவலை அறிந்து கொள்ள லேபிளை படித்துக் கொள்ளுங்கள். துவைக்கும் நீரில் அல்லது டிஸ்பென்சரில் ⅔ கப் ப்ளீச் பயன்படுத்தவும். 10 நிமிடங்கள் இந்த துணிகள் ப்ளீச்சில் ஊறுவதை உறுதி செய்து கொள்ளுங்கள்.

நோயாளியின் துணிகள், பெட்ஷீட் , டவல் போன்றவற்றை துவைத்து முடித்த பின், வாஷிங் மெஷினை சுத்தம் செய்து கொள்ளுங்கள். வாஷிங் மெஷின் ஈரமாக இருப்பதால் கிருமிகள் ஒளிந்திருக்கும் அபாயம் உள்ளது. ஒரு முறை வெந்நீர் கொண்டு வாஷிங் மெஷினை ஓட விடுங்கள். பிறகு டிஸ்பென்சரில் ப்ளீச் சேர்த்து மறுமுறை ஓட விடுங்கள் . இதனால் ப்ளீச் முழுவதும் நீக்கப்படும்.

உங்கள் இல்லத்தில் ஃப்ளு தாக்கம் இருந்தால் டிஸ்போஸபிள் டவல் அல்லது கிருமிகளை ஈர்க்கும் மைக்ரோ பய்பர் துணிகளை பயன்படுத்தி வீட்டை சுத்தம் செய்யவும். இந்த மைக்ரோ பய்பர் துணிகளை தினமும் துவைக்க மறக்க வேண்டாம்.

​கட்டாயம் செய்ய வேண்டியவை

samayam tamil

சுத்தமான வீடு போன்று சுத்தமான கைகளும் மிகவும் முக்கியம் குறிப்பாக ஃப்ளு தாக்கும் காலங்களில் சுத்தம் மிகவும் அவசியம். கிருமிகளைக் கொல்ல, வெதுவெதுப்பான நீர் மற்றும் சோப் பயனப்டுத்தி கைகளை தொடர்ந்து 20 நொடிகள் கைகளை சுத்தம் செய்யவும். , குழந்தைகள் இரண்டு முறை ஹாப்பி பர்த்டே பாடலை பாடி கைகளை சுத்தம் செய்யலாம். கழிவறை சென்று வந்த பின்னர், வெளியில் சென்று வந்த பின்னர், நோயாளியுடன் தொடர்பு கொண்ட பின்னர், சாப்பிடுவதற்கு முன், மூக்கு, வாய் அல்லது கண்களை தொடுவதற்கு முன் அனைவரும் கைகளைக் கழுவ வேண்டும். இதன் மூலமாகவே கிருமிகள் உடலுக்குள் செல்கின்றன.

ஃப்ளு தடுப்பூசி போடாதவர்கள் இந்த காலகட்டத்தில் அதனை பயன்படுத்திக் கொள்ளலாம். ஃப்ளு பாதிப்பு உள்ளவர்கள் டாமிஃளு போன்ற மருந்துகளை எடுத்துக் கொள்ளலாம் என்று CDC பரிந்துரைக்கிறது.

Related Articles

Leave a Reply

Your email address will not be published. Required fields are marked *

Back to top button
Close