Suchitra Wild Card Entry: பிக் பாஸ் வீட்டில் இருந்து வெளியேறிய வேல்முருகன், என்ட்ரி கொடுத்த சுசித்ரா

Suchitra Wild Card Entry: பிக் பாஸ் வீட்டில் இருந்து வெளியேறிய வேல்முருகன், என்ட்ரி கொடுத்த சுசித்ரா

பாடகர் வேல்முருகன் வெளியேறிய நிலையில் பாடகி சுசித்ரா பிக் பாஸ் வீட்டிற்கு வந்துள்ளார்.

suchitraபிக்பாஸ் வீட்டில் நடைபெற்ற தலைவர் போட்டிக்கான தேர்தலில் பாலாஜி,சோம், நிஷா என மொத்தம் மூன்று பேர் போட்டியிட்டனர். இந்நிலையில் இதற்கு முன்னர் நடைபெற்ற டைட்டில் வின்னர் லிஸ்ட் டாஸ்கில் முதலிடத்தை பிடித்த ரம்யாவிடத்தில் நீங்கள் நினைத்தால் தலைவர் தேர்தலில் போட்டியிடும் இந்த மூவரில்
ஒருவரை மாற்றலாம் என்று கூற அவரும் நிஷாவிற்கு பதிலாக சம்யுக்தாவை தேர்ந்தேடுத்தார்

அதைத் தொடர்ந்து நடைபெற்ற டாஸ்க்கில் சம்யுக்தாவை வெற்றி பெற வைக்க வேண்டும் என்ற எண்ணத்தில் தான் சேகரித்து வைத்த மொத்த பந்துகளையும் அவரின் கூடையில் போட்டு அவரை வெற்றிபெற வைத்தார் பாலாஜி. ஆனால் இந்தப் போட்டியில் பாலாஜி நேர்மையாக விளையாடி இருந்தால் கட்டாயம் சோமுவே வெற்றியாளர் ஆகியிருப்பார்.

இந்நிலையில் நடந்து முடிந்த அந்த டாஸ்க்கில் நடைபெற்ற விதிமீறல்கள் குறித்து கமல் நேற்று பாலாஜியிடம் கேட்டார். அப்போது சோமுவை டாஸ்க்கில் சிறப்பாக செயல்பட்டதற்காக பாராட்டிய கமல் அவரை அந்த சந்தோஷத்தை முழுமையாக அனுபவிக்காதபடி செய்து விட்டீர்களே, இதுவும் ஒரு வகையான Strategyயா என்று பாலாஜியிடம் கேள்வி எழுப்பினார்.

அதற்கு பாலாஜி, நான் இந்த வாரம் சோமுவை நாமினேட் செய்தபோது அவர் வெளிப்படையாக இந்த கேமை
விளையாடவில்லை என்று கூறியே நாமினேட் செய்ததாக கூறினார். மேலும் எனக்கும், அர்ச்சனாவுக்கும் நடந்த ஒரு சிறிய மோதலில் சம்யுக்தா ஒருவரே, இருவரையும் பேசி தீர்க்க கூறியதாகவும் அதனால் அவர் இந்த வீட்டின் தலைவராக பொறுப்பேற்க தகுதியானவர் என்றும் எண்ணியதாக கூறினார்.

அதைத் தொடர்ந்து பேசிய பாலாஜி, இந்தத் தலைவர் டாஸ்க் நடைபெறுவதற்கு ஒரு நாள் முன்பே எனக்கும், அர்ச்சனாவுக்கும் இடையே ஒரு சிறிய மனக்கசப்பு ஏற்பட்டது, அதனால் இந்த சமயத்தில் நான் தலைவராக தேர்ந்தெடுக்கப்பட்டால் அது சரியாக இருக்காது என்று நினைத்தேன் என்றார். ஆனால் சட்டேன்று கமல் நீங்கள் அன்று இதனை குறிப்பிடவில்லையே என்றும் எனக்கான ஒரு வாரம் கட்டாயம் வரும் என்றே கூறியதாக அவருக்கு நினைவுப்படுத்தினார்.

நீங்கள் அவ்வாறு செய்வீர்கள் என்று நினைத்திருந்தால் கட்டாயம் ரம்யா உங்களையே மாற்றி இருப்பார் என்று கமல் கூற, அதற்கு ரம்யாவும் ஆம் என்றும், ஆனால் அவர் இரண்டு வாரங்களாக பாலாஜி கேப்டன்சி டாஸ்க்கில் வெற்றி பெற வேண்டும் என்று எண்ணியதாகவும் அதற்காகவே அவரை மாற்றவில்லை என்றும் கூறினார்.

என்ன இருந்தாலும் இதில் சோம் சேகரை உண்மையான வெற்றியாளர் என்றும் பாலாஜி favourism காட்டியதாகவும் நெட்டிசன்கள் கருத்து தெரிவித்து வருகின்றனர். இதைத் தொடர்ந்து இந்த வாரம் நாமினேட் ஆகியுள்ளவர்களில் குறைந்த வாக்குகளைப் பெற்று பாடகர் வேல்முருகன் வீட்டை விட்டு வெளியேறியுள்ளார். அதே போல் வீட்டின் புதிய வரவாக பாடகி சுசித்ரா என்ட்ரி கொடுத்துள்ளார். இவரின் இந்த திடீர் என்ட்ரி கட்டாயம் மற்ற போட்டியாளர்களுக்கு ஒரு அதிர்ச்சியாகவே இருக்கக்கூடும்.

Leave a Reply

Your email address will not be published. Required fields are marked *